Landbúnaðarstuðul verður veittur við heimild í løgtingslóg nr. 32 frá 6. mars 2003 um landbúnaðarstuðul og sambært kunngerð nr. 99 frá 4. november 2010 um stuðul til landbúnaðin. Búnaðarstovan umsitur stuðulin.

Stuðul verður veittur til mjólk, neytakjøt, seyðakjøt, stráfóður, djórahald, avloysaraskipan og til føroysk húsdjór. Stuðulin er treytaður av, at umsøkjari er bókhaldsskyldugur (tó undantikið undirkontu 10, sum er stuðul til at varðveita føroysk húsdjór) og MVG skrásettur.

Í 2014 er stuðulin 15.230 tús.kr. og verður stuðulin býttur soleiðis:

Endamál Upphædd (1.000 kr)
Mjólk 7.250
Neytakjøt 500
Seyðakjøt 1.700
Stráfóður 5.080
Húsdýralógin 70
Avloysaraskipan 480
Føroysk húsdjór 150