![Sendifólkaskifti í Brússel](https://landsstyri.cdn.fo/savn/17901/efr.jpg?width=1024&height=576&rxy=0.48166666666666669,0.42608695652173911&rmode=crop&t=89&s=kcafXKU9N14PrUfcGhjAW9e7go8)
Elisabeth F. Rasmussen er tilnevnd sum sendikvinna Føroya til Evropasamveldið. Hon tekur við hálvan apríl, tá ið hon avloysir Elin Mortensen, ið hevur verið sendikvinna í Brússel síðani 2018.
Elisabeth F. Rasmussen er 36 ára gomul, útbúgvin løgfrøðingur frá Københavns Universitet. Hon hevur starvast í Uttanríkistænastuni síðani 2015. Seinastu 5 árini hevur hon havt ábyrgdina av ES- og handilsmálum, og hevur m.a. leitt samráðingar við ES og Bretland á handilsøkinum. Harumframt hevur hon starvsroyndir í øðrum pørtum av føroysku fyrisitingini, umframt donsku fyrisitingini.