Leys størv


Umhvørvis- og vinnumálaráðið søkir eftir tveimum fulltrúum

Á deildini fyri kommunu- og náttúrumál skal setast ein løgfrøðingur í fast starv, og á vinnudeildini skal setast ein fulltrúi við viðkomandi kandidatútbúgving í burðarfarloyvisstarv.

Umhvørvis- og vinnumálaráðið er fyrisiting hjá landsstýrismanninum í umhvørvis- og vinnumálum, og ráðsuppgávurnar fevna um at ráðgeva landsstýrismanni og leiðslu, at umboða ráðið í tvørgangandi samstarvi og at lýsa og avgreiða mál, sum hoyra stjórnarráðnum til.

Deildin fyri kommunu- og náttúrumál

Søkt verður eftir løgfrøðingi til setan skjótast gjørligt. Ert tú løgfrøðingur, og kundi tú hugsað tær at arbeitt við lógarsmíði, ráðgeving og málsviðgerð í landsins fyrisiting, so er hetta kanska eitt starv fyri teg.

Starvið

Arbeiðið fevnir m.a. um

  • at fyrireika lógaruppskot og kunngerðir
  • at ráðgeva landsstýrismanninum
  • at svara fyrispurningum
  • at umboða stjórnarráðið í ymsum høpi
  • málsviðgerð

Talan er um eitt spennandi starv í einum umhvørvi á høgum fakligum stigi. Starvið er mennandi við skiftandi og fjølbroyttum uppgávum, og hóast starvið er sjálvstøðugt og ábyrgdin stór, verða uppgávurnar loystar í samstarvi við starvsfelagar.

Førleikar

Tú hevur løgfrøðiligt embætisprógv (cand.jur.).

Vit vænta, at tú

  • hevur áhuga fyri málsøkjunum, sum deildin fyri kommunu- og náttúrumál varðar av
  • kundi hugsað tær at arbeitt við at menna og dagføra økini
  • dugir væl at samskifta á føroyskum í skrift og talu
  • hevur góð greiningarevnir og politiskt tev
  • ert tænastusinnað/-ur, miðvís/-ur og dugir at arbeiða sjálvstøðugt

Umsøkjarar við royndum úr almennari ella privatari fyrisiting kunnu hava fyrimun.

Vinnudeildin

Søkt verður eftir fulltrúa til burðarfarloyvisstarv.

Starvið

Arbeiðið fevnir m.a. um

  • at fyrireika lógaruppskot og kunngerðir
  • at ráðgeva landsstýrismanninum
  • at luttaka í og leiða verkætlanir
  • at samskifta við og stuðla stovnum undir Umhvørvis- og vinnumálaráðnum

Vit bjóða eitt áhugavert, fjølbroytt og avbjóðandi starv í einum umhvørvi á høgum fakligum stigi. Starvið er krevjandi, og neyðugt er at taka tøk, tá ið á stendur. Uppgávurnar eru skiftandi við nógvum samskifti úteftir.

Førleikakrøv

Umsøkjarar skulu hava kandidatútbúgving av hægri lærustovni, t.d. cand.jur. ella sambæriligt prógv.

Vit vænta, at tú

  • hevur góð samstarvsevni
  • hevur góð greiningarevni og politiskt tev
  • hevur góð evni at samskifta í skrift og talu
  • ert tænastusinnað/-ur og fleksibul, miðvís/-ur og dugir at arbeiða sjálvstøðugt Umsøkjarar við royndum úr almennari ella privatari fyrisiting kunnu hava

Lønar- og setanartreytir

Størvini verða sett sambært sáttmála millum Fíggjarmálaráðið og avvarðandi fakfelag. Setanin fevnir um Umhvørvis- og vinnumálaráðið og stovnar undir tí umframt Løgmansskrivstovuna og onnur stjórnarráð.

Umsóknarfreist

Umsókn við avriti av prógvum o.ø. skal sendast Umhvørvis- og vinnumálaráðnum á uvmr@uvmr.fo og vera ráðnum í hendi í seinasta lagi 22. mars 2021 kl. 12:00.

Starvið á deildini fyri kommunu- og náttúrumál verður sett skjótast gjørligt. Nærri upplýsingar fáast við at venda sær til Hilmar Høgenni, deildarstjóra, tlf. 558090.

Starvið á vinnudeildini verður sett frá 1. mai 2021 ella skjótast gjørligt og fram til 31. desember 2021. Starvstíðin kann verða longd. Nærri upplýsingar fáast við at venda sær til Pól E. Egholm, deildarstjóra, tlf. 556076.

Deildin fyri kommunu- og náttúrumál umsitur umhvørvismál, náttúrumál, veðurlagsmál, orkumál, elveitingarmál, kommunumál, lendisskipan, byggimál, matrikulering, útskifting, sundurbýti, kort- og landmáting, tinglýsing, fólkayvirlit, navnamál og útjaðaramál. Deildin varðar av Umhvørvisstovuni.

Vinnudeildin skal tryggja føroyskum vinnulívi góðar og stimbrandi karmar og hevur ábyrgdina av tí vinnuliga lógarverkinum. Millum virkisøkini hjá vinnudeildini eru alivinna, sjóvinna, útlendingamál, integratión, ferðavinna, gistingarhús- og matstovuvinna, loftferðsla, landbúnaður, fjarskifti, matvøruframleiðsla og -útflutningur, djór og djóravælferð, kappingarmál, kolvetni, vinnufeløg, íverksetan og skapandi vinnur.

Vinnudeildin varðar av fleiri almennum stovnum og feløgum: Visit Faroe Islands, Fiskaaling, Rúsdrekkasølu landsins, Heilsufrøðiligu starvsstovuni, Útlendingastovuni, Skráseting Føroya, Búnaðarstovuni, Kappingareftirlitinum, Posteftirlitinum, Tryggingareftirlitinum, Fjarskiftiseftirlitinum, Jarðfeingi, Sjóvinnustýrinum, Filmshúsinum, Tónleikaútflutningsstovuni, Vinnuframa og Framtaki.

Lýsingin kann takast niður sum pdf-skjal her